Sekretari amerikan i Mbrojtjes, Pete Hegseth, ka shkarkuar shefin e shtabit të Ushtrisë së SHBA-së, gjeneralin Randy George, vetëm një muaj pas nisjes së luftës me Iranin.
Sipas raportimeve të disa mediave ndërkombëtare, përfshirë Reuters, CBS News dhe Axios, George është urdhëruar të dalë menjëherë në pension, edhe pse mandati i tij katërvjeçar nuk kishte përfunduar.
Pentagoni nuk ka dhënë një arsye zyrtare për vendimin, por lëvizja shihet si pjesë e një riorganizimi të drejtimit ushtarak në një moment të ndjeshëm, ndërsa SHBA ka forca të shumta të vendosura në Lindjen e Mesme për shkak të konfliktit me Iranin.
Në vend të tij pritet të emërohet përkohësisht gjenerali Christopher LaNeve, ndërsa vendimi ka shkaktuar debat për stabilitetin e komandës ushtarake amerikane gjatë një konflikti aktiv.
