Aeroporti Ndërkombëtar i Kuvajt City është goditur nga disa sulme me dronë, duke shkaktuar dëme të konsiderueshme në sistemin e radarit, ndërsa tensionet në rajon vazhdojnë të rriten për shkak të konfliktit të lidhur me Iran.
Sipas raportimeve të agjencive ndërkombëtare si Reuters dhe mediave rajonale, disa dronë shënjestruan Aeroporti Ndërkombëtar i Kuvajtit, duke dëmtuar infrastrukturën e radarit, ndërsa autoritetet thanë se nuk ka pasur viktima. 
Zëdhënësi i Autoritetit të Aviacionit Civil të Kuvajtit deklaroi se ekipet e emergjencës reaguan menjëherë për të vlerësuar dëmet dhe për të rikthyer sa më shpejt funksionimin normal të aeroportit. 
Sulmi vjen në një moment kur vendet e Gjirit janë vënë disa herë në shënjestër të raketave dhe dronëve që nga përshkallëzimi i luftës mes Iranit dhe aleatëve të tij me SHBA-të dhe Izraelin. 
Raportimet ndërkombëtare theksojnë se infrastruktura strategjike në rajon, përfshirë aeroportet dhe portet, është bërë një objektiv i shpeshtë i sulmeve me dronë në javët e fundit, duke rritur frikën për përhapjen e konfliktit në të gjithë Gjirin Persik. 
Autoritetet kuvajtiane nuk kanë dhënë ende detaje të plota mbi origjinën e dronëve apo mbi ndikimin që sulmi mund të ketë në operacionet e aeroportit. 
