Të paktën 22 persona janë vrarë gjatë 24 orëve të fundit në Liban si pasojë e sulmeve izraelite në jug të vendit, sipas Ministrisë së Shëndetësisë në Bejrut.
Autoritetet libaneze njoftuan se 10 viktima të tjera u regjistruan nga bombardimet e fundit të ushtrisë së Israel, duke rënduar bilancin e viktimave civile.
Sipas informacionit zyrtar, gjashtë persona u vranë në qytetin Arab Salim, mes tyre tre fëmijë dhe dy gra. Një tjetër fëmijë humbi jetën në Harouf, ndërsa tre persona, përfshirë dy fëmijë, u vranë në Roumine.
Sulmet vijnë në një kohë tensionesh të larta në rajon dhe përshkallëzimi të përplasjeve mes Izraelit dhe grupeve të armatosura në jug të Libanit, duke shtuar shqetësimet për zgjerimin e konfliktit në Lindjen e Mesme.
