Organizata Botërore e Shëndetësisë ka konfirmuar se janë identifikuar pesë raste të sigurta me hantavirus në një shpërthim të ri, ndërsa tre raste të tjera mbeten nën dyshim.
Drejtori i përgjithshëm i OBSH-së, Tedros Ghebreyesus, deklaroi për mediat se në total janë raportuar tetë raste, prej të cilave pesë janë konfirmuar dhe tre janë ende në hetim.
Sipas tij, lloji “Ande” i hantavirusit që po shkakton këtë shpërthim ka potencial më të lartë transmetimi mes anëtarëve të familjes, partnerëve intimë dhe personave që ofrojnë kujdes mjekësor.
Hantavirusi përfshin një grup virusesh të transmetuara nga brejtësit, të cilët mund të shkaktojnë infeksione të rënda respiratore si Sindroma Pulmonare Hantavirus (HPS) dhe Ethet Hemorragjike me Sindromën Renale (HFRS).
