Këngëtarja e njohur shqiptare, Bleona Qerreti, ka postuar së fundmi një foto me ish-presidentin Donald Trump. Kandidati për president dhe këngëtarja janë takuar gjatë një eventi me shqiptarët në Michigan, ku Bleona i ka ftuar të votojnë për kandidatin republikan.
“Në Michigan, diaspora shqiptare ka luajtur një rol vendimtar, por vitet e fundit shumë prej tyre janë ndjerë të përjashtuar nga drejtimi që po merr vendi. Pikërisht kjo dëshirë për një udhëheqje të guximshme dhe parimore ka shtyrë mbështetjen tonë të palëkundur për Presidentin,” shkruan Bleona në postimin e saj.
Pak ditë më parë, Belind Këlliçi postoi gjithashtu një foto me Donald Trump përpara një takimi elektoral të kandidatit republikan. Sfondi dhe pozicioni i ngjashëm i fotove të Këlliçit dhe Bleonës mund të jenë rastësi, por fakti mbetet që të dy, zyrtarisht, kanë bërë fushatë për Donald Trump. Kjo i bën ata të dy ndër të vetmit shqiptarë të përfshirë kaq seriozisht në betejën Trump-Harris në zgjedhjet presidenciale, të cilat pritet të zhvillohen pas pak javësh.
