Partia Socialiste ka kërkuar që të ketë votim elektronik edhe për Tiranën në zgjedhjet e vitit 2025, pas propozimit që bëri Komisioni Qëndror i Zgjedhjeve që të ketë votim elektronik në Qarkun e Elbasanit dhe të Durrësit.
Në përgjigjen e kthyer KQZ, PS shprehet se qarku Tiranë si më i madhi që prodhon 37 mandate, fleta e votimit do të administrohej me vështirësi nga votuesit dhe do të krijonte pengesa objektive.
PS nënvizon se qarku i Tiranës, ofron të gjitha kushtet optimale sa i takon burimeve njerëzore dhe infrastrukturës në tërësi për realizimin me sukses të këtij procesi.
Në të kundërt, PS shprehet se nëse KQZ e sheh të pamundur realizimin e votimit në tre qarqe, ai të realizohet vetëm në Tiranë.
