Besimtarët myslimanë në të gjithë vendin festojnë sot Kurban Bajramin, një nga festat më të rëndësishme të besimit islam. Që në orët e para të mëngjesit, mijra besimtarë iu drejtuan xhamive dhe shesheve të dedikuara për të falur Namazin e Bajramit.
Në Tiranë, qindra besimtarë u mblodhën në bulevardin “Dëshmorët e Kombit”, por edhe në xhamitë e tjera të kryeqytetit, për të kryer ritualin e faljes dhe për të përcjellë mesazhe paqeje, solidariteti dhe besimi.
Kurban Bajrami konsiderohet një festë e sakrificës, shpresës dhe mëshirës, ku rëndësi të veçantë merr ndihma ndaj familjeve në nevojë. Sipas traditës islame, në këtë ditë theret një kurban, zakonisht dash apo dele, dhe mishi ndahet mes familjarëve, miqve dhe personave në nevojë, si simbol i solidaritetit dhe përkujdesjes ndaj njëri-tjetrit.
Kjo festë lidhet gjithashtu me ngjarje të rëndësishme në historinë islame, si haxhi dhe rindërtimi i Qabes, ndërsa besimtarët e konsiderojnë si një moment reflektimi, përkushtimi dhe forcimi të besimit në Zot
