Gjykata Kushtetuese do të zhvillojë më 19 nëntor kërkesën e kreut të PD-së, Sali Berisha për shfuqizimin e vendimeve të GJKKO-së dhe Apelit të Apelit të GJKKO-së që kanë caktuar ndaj tij masën e sigurisë “arrest shtëpie”. Berisha kërkon rrëzimin e masave të vendosura nga Prokuroria e Posaçme dhe GJKKO ndaj tij, në çështjen e privatizimit të ish-kompleksit “Partizani”. Kreu i PD pretendon se si deputet masat e SPAK dhe të GJKKO ishin të paligjshme pasi ai gëzonte mandatin parlamentar dhe duhej të ishte mbledhur Këshilli i Mandateve dhe Imunitetit më parë. Një vit më parë, SPAK caktoi masën detyrim paraqitje për Berishën dhe bllokimin e pasaportës, të cilat u lanë në fuqi nga GJKKO dhe Apeli i Posaçëm.
