Policia ka zbardhur detajet e atentatit e ndodhur paraditen e sotme në qytetin e Shkodrës. Mësohet se boksieri profesionist Arjon Kajoshi ishte shënjestra.
Burime thanë se boksieri po kthehej nga stërvitja kur ndaj Range Rover-it ku udhëtonte është qëlluar me armë zjarri.
Ngjarja ka ndodhur rreth orës 12:30 në lagjen “Partizani” dhe mjeti është në pronësi të shtetasit me iniciale S. K.
Për fat të mirë nuk ka përsona të lënduar, ndërsa shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Njoftimi i policisë:
Shkodër/Informacion paraprak
Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K.
Nga të shtënat nuk ka përsona të lënduar.
Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit.
