Pas dorëheqjes nga posti i Drejtorit të Televizionit Publik Shqiptar, Alfred Peza është akuzuar nga gazetarja Blerta Tafani për dhunë psikologjike në punë dhe presione nga më të ndryshme.
Në media qarkullon një letër ku gazetarja Tafani ia ka drejtuar bordit të RTSH dhe kryetarit të saj, Leka Bungo, ku akuzon drejtëpërdrejt Pezën edhe për ngacmim seksual.
Portali Newsbomb.al ka kontaktuar me gazetaren Blerta Tafani dhe kjo e fundit e ka mohuar që të ketë çuar letër në Këshillit Drejtues të RTSH.
"Unë mohoj të flas për një letër që po qarkullon ngado, por nuk mban firmën time. Pra, besoj vetëkuptohet që unë nuk kam çfarë të komentoj" - është shprehur gazetarja.
Por edhe pse lajmi ka qarkulluar në media, nuk ka ende një reagim publik nga vet gazetarja Blerta Tafani për të sqaruar këto akuza.
