Policia e Shkodrës arrestoi një person të dyshuar për përfshirje në vrasjen e Elis Rroshkodol në një lokal në lagjen “Ahmet Haxhia” në Shkodër mesditën e 30 gushtit. Ndërsa 3 të tjerë u shpallën në kërkim.
Xh. M., 26 vjeç dyshohet se ka siguruar automjetin që u përdor në vrasje, ndërsa ka kryer veprime për zbardhjen e së vërtetës.
Policia tha se ka shpallur në kërkim shtetasit J. Xh., 31 vjeç, V. Xh., 38 vjeç dhe D. M., 42 vjeç, ndaj të cilëve rëndojnë akuzat “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim.
“Nga hetimet dyshohet se këta 4 shtetas kanë organizuar dhe kanë kryer vrasjen e shtetasit Elis Rroshkodol”, njoftoi policia. policia zbuloi në Tiranës një një garazh, ku këta 4 shtetas mbanin automjete të trafikuara nga shtete të ndryshme të Europës, të cilat dyshohet se janë siguruar për të shërbyer gjatë kryerjes së krimeve të rënda kundër personit.
“Nga kontrollet në këtë ambient u gjetën dhe u sekuestruan në cilësinë e provës materiale 3 automjete të dyshuara të trafikuara dhe pjesë të automjetit të dyshuar të përdorur nga autorët në vrasje e Roshkodolit”, deklaroi policia.
Elis Rroshkodol u qëllua për vdekje teksa po pinte kafe në një lokal. Ai ishte i skeduar nga autoritetet belge si pjesë e një grupi kriminal që kryente grabitje, ndërsa ishte në kërkim nga Rumania për plagosje.
