Gazetarja Klodiana Lala e ftuar në emisionin “Opinion” ka folur për ngjarjen tronditëse të vrasjes në Pogradec të 42-vjeçarit, Eglantin Proga. Lala tha se ngjarja është zvarritur nga policia e shtetit pasi ngjarja është përdorur për kulisa brenda policisë së shtetit për të goditur njëri-tjetrin.
“Ngjarja është përdorur për kulisa brenda policisë së shtetit për të goditur njëri-tjetrin. E përdorën klanet brenda policisë për të goditur njëri-tjetrin. Policia gënjeu, tha se arrestoi autorin. Ndërsa autori tha se shpalljen në kërkim e kishte mësuar nga telefoni dhe kishte shkuar të vetëdorëzohet në polici” – u shpreh gazetarja Klodiana Lala.
Kujtojmë se ngjarje shkaktoi reagim të gjerë në opinionin publik, për shkak të dhunës dhe mosveprimit në mënyrën e duhur të institucioneve përgjegjëse si dhe akuzës që i ishte dhënë autorit të ngjarjes. Pas kësaj, pati dhe një përplasje mes institucioneve që duhej të kishin dhënë drejtësinë.
