Më 13 gush, 30-vjecari Esmerald Balla trokiti në dyert e policisë dhe denoncoi humbjen e kontakteve me babain e tij, 62-vjecarin Enver Balla. Në denoncimin e bërë ai pretendonte se prej prej atij mëngjesi, babai ishte larguar me një grua të panjohur cdhe ai kishte humbur cdo kontakt me të.
Esmerald Balla, shkonte edhe më tej duke ngritur dyshime se kjo grua, mund ta kishte vrarë babain e tij.
Hetimet e nisura nga policia pas këtij deboncimi zbuluan një krim tronditës brenda familjes së ndodhur në fshatin Shënavlash të Durrësit, një krim që është thuajse identitik me vrasjen e Pëllumb Metës nga vajza dhe dy djemtë.
Këtë të mërkurë policia gjeti trupun e pajetë të 62-vjecarit Enver Balla bfenda një pusi dhe arrestoi si tëë dyshuar djalin e viktimës, shtetasin Esmerald Balla.
Si u zbulua krimi
Pak ditë pas denoncimit të berë nga Esmerald Balla, në polici mbërrin djali tjetër i 62-vjecarit. Ai njoftoi policisë se kishte marrë mesazh nga një grua e panjohur, e cila i shkruante në rrjetin social instagram të mos e kërkonte babain. “Djali tjetër i Enver Ballës, shtetasi A. B., pasi është njoftuar se babai ishte larguar nga banesa, është kthyer nga Italia dhe ka kallëzuar në Polici, se në rrjetin social Instagram, i ka shkuar një mesazh, nga një shtetase e panjohur prej tij. Në mesazh thuhej që familjarët të mos e kërkonin 62-vjeçarin, pasi ai ishte larguar me pushime”, njoftoi policia.
Esmerald Balla do të tradhtohej së pari pikësisht nga ky mesazh që i dërgoi vëllait të tij në Itali. Sipas policisë ai kishte hapur adresë false ku teksa hiqej si një njeri tjetër i kërkonte familjes së Enver Ballës, të mos bënin kërkime për gjetjen e tij.
Dyshimet do të shtoheshin kur në banesë do të gjendej një kasfortë e cila ishte hapur me sende të forta dhe brenda së cilës besohej se kishte patur para. “Strukturat hetimore të DVP Durrës, duke qenë para këtyre fakteve, kanë intensifikuar hetimet dhe kërkimet, pasi lindën dyshime se kishim të bënim me një krim brenda familjes.
Si rezultat i veprimeve intensive u bë e mundur zbardhja e ngjarjes, kapja dhe arrestimi i djalit konkretisht shtetasi Esmerald Balla, 30 vjeç, i cili ka pranuar autorësinë e këtij krimi, pas një konflikti që kishte me babanë për një shumë lekësh (7 500 000 lekë të rinj, kursime të përbashkëta familjare) që dyshonte se ia kishte vjedhur 62-vjeçari”, njoftoi policia.
Kështu mëngjesin e 13 gushtin në afërsi të stanit të tyre në arat e fshatit Shënavlash, pasi është kofliktuar fizikisht me babanë e tij, Esmerald Balla e ka vrarë atë me armë zjarri tip pistoletë.
“Armën e krimit e ka hedhur në një kanal, ndërsa trupin e babait e ka transportuar dhe hedhur në një pus në një arë të këtij fshati, rreth 1 kilometër larg nga vendi i ngjarjes”, njoftoi policia.
Pas 48 orësh qëndrimi në polici Esmerald Balla u dorëzua dhe tregoi vendin ku kishte fshehur trupin e babait si dhe vendin ku kishte hedhur armën e krimin.
Ndaj 30-vjecarit rëndojnë dyshime për akuzat: “Vrasja për shkak të marrëdhënieve familjare”, “Mbajtja pa leje dhe prodhimi i armëve, armëve shpërthyese dhe municionit” dhe “Fshehja dhe asgjësimi i kufomës”.
Dëshmia
Esmelard Balla iu tha hetuesve se u konfliktua me bababin e tij pasi dyshonte se për shkak të marrëdhënieve jashtëmartesore që kishteai kishte prishur kursimet e shtëpisë. Ai tha se krimin e kreu në gjaknxehtësi. Por dëshmia e tij se ka bindur policinë, pasi ka dyshime se ai mund të ketë patur bashkëpunëtorë. Në celularin e tij policia ka gjetur të dhëna të vlefshme për hetimin, ndërsa ka mundur të zbulojë se Esmerald Xhafa bënte kërkime në faqe eskortash, që ofrojnë marrëdhënie seksuale kundrejt pagesës.
