Kastriot Elezi 45 vjeç i cili ishte shënjestër i një atentati në "Don Bosko", të martën iu tha hetuesve se nuk ka asnjë konflikt e per këtë arsye nuk ruhej nga askush.
Ai thotë se nuk mund të ngrejë gishtin e akuzës ndaj askujt. Por policia beson se ai fsheh diçka, pasi në rrugë operative ai rezulton te jetë në përplasje me disa individë për çështje lekësh, por nuk e ka menduar se situata do të shkonte deri në pikën sa ndaj tij do të realizohej atentat. Për këtë arsye hetuesit do të pyesin serish Elezin per te marrë prej tij me shumë të dhëna.
Ronaldo Metushi 22 vjeç i cili mbeti po ashtu i plagosur nuk rezulton të ketë probleme. Ai thotë më dëshmi se Kastriotin e njihte pasi janë komshinj ndaj dolën sebashku për kafe kur ndodhi dhe atentati. Policia pas ngjarjes tha se po heton të kaluarën e Elezit. Ndëraa ka cuar per ekspertizë armën që u gjet brenda automjetit të djegur që u përdor në atentat.
