Një ngjarje e rëndë është shënuar në Shënavlash të Durrësit, ku Esmerald Balla raportohet se ka vrarë babanë e tij Enver Balla dhe më pas e ka hedhur në pus me qëllim zhdukjen e kufomës.
Ngjarja dyshohet të ketë ndodhur 20 ditë më parë, ndërkohë që djali me datën 13 gusht e ka denoncuar në polici humbjen e babait për të vijuar me planin për fshehjen e krimit.
Pas dy ditësh marrje në pyetje nga policia, Emerald Balla ka pranuar se e ka vrarë babain me armën e gjahut si dhe iu ka treguar pusin ku kishte hedhur trupin e pajetë.
Policia e Durrësit ka arritur që të zbardhë ngjarjen e rëndë pasi ka patur dyshime që në fillim për krim brenda familjes. Hetuesit kanë përgjuar komunikimet telefonike dhe mesazhet e autorit ku më pas kanë zbardhur ngjarjen e rëndë. Autori pas arrestimit ka pranuar krimin duke thënë se vrau të atin pasi ky i kishte marrë shuma parash.
“Në Komisariatin e Policisë Durrës ka kallëzuar shtetasi E. B., banues në fshatin Shënavlash, se më datë 13.08.2024, është larguar nga banesa, babai i tij, shtetasi E. B., 62 vjeç. Vijon puna për gjetjen e 62-vjeçari”, thuhet në njoftimin e policisë.
Historia duket sikur përsëritet me ngjarjen tragjike të 10 shkurtit po në Shënavlash të Durrësit, ku 3 fëmijët vranë babanë Pëllumb Meta dhe e groposën në kasollen e bagëtive pranë banesës dhe më pas e raportuan të zhdukur.
[caption id="attachment_10453" align="alignnone" width="620"]
Viktima Enver Balla[/caption]
[caption id="attachment_10454" align="alignnone" width="316"]
Autori Esmerald Balla[/caption]
