Është identifikuar autori i atentatit të sotëm ndaj boksierit të Vllaznisë, Arjon Kajoshi. Sipas policisë, autori i dyshuar është Alban Bruçi i cili ka qëlluar me armë drejt Range Roverit ku udhëtonte boksieri si shenjë hakmarrje.
Mësohet se babai i autorit të dyshuar është dhunuar me grushte në 3 qershor dhe autor i dyshuar është vëllai i boksierit, Arlind Kajoshi. Ky i fundit është në kërkim nga policia prej asaj kohe.
Atentati ndaj Arjon Kajoshit ka ndodhur rreth orës 12:30 në lagjen “Partizani”. Boksieri po kthehej nga stërvitja kur ndaj Range Rover-it ku udhëtonte është qëlluar me armë zjarri.
Për fat të mirë nuk ka përsona të lënduar, ndërsa shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
