Tori Gjecuka alias Hektor Gjecuka një prej njerëzve problematike në botën e krimit është arrestuar nën dyshimet për gjobëvënie.
Në pranga përfunduan edhe tre persona të tjerë Aleksander Osmani, Artan Pirraci dhe Fredi Keta.
Arrestimet u kryen në kuadër të aksionit policor i koduar "The debt".
Tre të dyshuar të tjerë u derguan nën masën e arrestit në shtëpi. Ata janë Naim Qarri, Sajmir Kolaveri dhe Adem Metkola.
Naim Qarri është ish president i klubit sportiv të Kamzës.
"Nga veprimet hetimore ka rezultuar se këta shtetas, në bashkëpunim me njëri-tjetrin, i kanë hequr lirinë një 35-vjeçari, dhe e kanë kanosur atë për dhënie pasurie" njoftoi policia. Policia tha ae personi që iu hoq liria me qëllim që të paguante gjobën është identifikuar si Ervis Xhixha.
Hektor Gjecuka që konsiderohet si protagonisti kryesor njihet si një prej njerëzve të besuar të Ervis Martinaj.
