- Vetitë ushqyese unike të arrave. Me përmbajtjen e 6-8 kokrrave mbulohet nevoja ditore për yndyrnat "e mira" omega-3.
Arrat janë burim i proteinave dhe fibrave, rezervë e jashtëzakonshme e mineraleve si fosfori dhe magnezi, arrat ofrojnë ato acide yndyrore të pangopura që kërkohen si kurë për zemrën dhe arteriet. Një racion (30 gramë), që korrespondon me bërthamat e përfshira afërsisht në 6-8 guaska, përmban 2 gramë omega-3, aq sa mjafton për të mbuluar nevojën mesatare ditore. Një veçanti unike në frutat me guaskë.
JETËGJATËSIA
Në një studim madhor të Harvardit, i cili analizoi zakonet ushqimore të gati 120 mijë amerikanëve për një periudhë tridhjetëvjeçare, u evidentua një lidhje midis konsumimit të arrave një herë në javë dhe një rreziku më të ulët të vdekshmërisë me 11%. Natyrisht, duhet marrë parasysh një pamje më e gjerë, duke qenë se konsumatorët e arrave ndoshta ndjekin dietën mesdhetare më shumë sesa dietën perëndimore, e bazuar në ushqime të gatshme, mish të kuq dhe pije të gazuara. Megjithatë, pa teprime dhe sedentarizëm, arrat janë kandidate për ushqimin e mundshëm të shekulltarëve.
KUNDËR DIABETIT
Falë të dhënave të mbledhura gjatë këtij studimi afatgjatë, u bë e mundur të vihej re një lidhje me hipergliceminë: me dy ose më shumë racione në javë, incidenca e diabetit do të binte me 24%. Një rishikim tjetër, që krahasoi 13 studime, i lidhi ato me reduktimin e kolesterolit të rrezikshëm, LDL.
ARRAT E TJERA
Edhe llojet e ndryshme të arrave përveç atyre të zakonshme (Juglans regia) meritojnë vëmendje. Mjafton një arrë braziliane për të plotësuar nevojën ditore për selen, mineralin që ndihmon në mbrojtjen nga radikalet e lira. Arrat pecan janë të pasura me vitamina të grupit B (veçanërisht biotinën), ndërsa arrat makadamia përbëjnë burimin më të pasur të acidit oleik midis frutave me guaskë, e njëjta yndyrë mono-të-pangopur që e bën vajin e ullirit ekstra të virgjër kaq të çmuar.
