Gjykata e Posaçme e Apelit vendosi të lërë në fuqi masën e sigurisë “arrest me burg” për Aleks Pepën, alias Shkëlqim Pepën, dhe Ilir Lazrin.
Pepa akuzohet se, bashkë me vëllain e tij, Jetmir Pepën, i arrestuar në Dubai, kanë drejtuar një nga grupet më të rrezikshme kriminale që trafikonte kokainë nga Amerika Latine drejt vendeve të BE-së dhe pastronte para në Shqipëri, kryesisht në ndërtim.
Lazri akuzohet si anëtar i grupit të tyre kriminal. Grupi kriminal Pepa akuzohet se ka fituar, përmes kompanisë Pepa Group, dhe dhjetëra tendera publikë me vlerë miliona euro.
