Gjykata e Apelit të Posaçëm rrëzon kërkesën e vëllezërve Artur e Klevis Hoxhosmani për zëvendësim të masës së sigurisë.
Të dy do të vijojnë të qëndrojnë në arrest me burg. Vëllezërit Hoxhosmani akuzohen si pjesë e një grupi ndërkombëtar të trafikut të kokainës nga Amerika e Jugut drejt Shqipërisë.
Vëllezërit Artur dhe Klevis Hoxhosmani u arrestuan në kuadër të një operacioni të SPAK, të mbështetur në komunikime të zbërthyera nga platformat Sky ECC.
Ata akuzohen për veprat penale të “trafikimit të narkotikëve” dhe “pjesëmarrjes në grup të strukturuar kriminal”, në lidhje me një rrjet që dyshohet se ka trafikuar sasi të mëdha kokaine nga Amerika e Jugut drejt vendeve të Bashkimit Evropian.
