Gjykata e Lartë prishi vendimin e Gjykatës së Apelit të Posaçëm për të pandehurit për tenderin e uniformave të policisë.
Edlira Naqellari, Flutura Cekrez, Anisa Bogdani, Ani Omuri, Aurora Mulla, Kleivis Hasani, Kreshnik Bejkaj, Gëzim Mingaj,
Fatmir Demneri dhe Mariglen Buzali do të rigjykohen me një trupë tjetër gjykuese.
Prokuroria e Posaçme Kundër Korrupsionit dhe Krimit të Organizuar, i akuzon dhjetë zyrtarët e Ministrisë së Brendshme për shkelje të barazisë në një tender me fond limit 2.8 miliardë lekë, lidhur me uniformat dhe këpucët e punonjësve të Policisë së Shtetit.
