Apeli i Posaçëm vulosi masën e sigurisë “arrest me burg” për Ermir Ndrejajn, i njohur me nofkën Cinco.
Ndrejaj dhe pjesëtarët e tjerë të grupit, dy vëllezërit Artur e Klevis Hoxhosmani, Erion Alibej, i njohur si Krymi, apo Plaurent Dervishaj, akuzohen se trafikuan 6 tonë kokainë me vlerë 411 mln euro nga Ekuadori drejt vendeve të Bashkimit Europian.
Grupi kriminal u godit nga SPAK-u në korrikun e vitit 2025, pas zbërthimit të aplikacionit të koduar Sky ECC, ku u zbuluan dhe episode të trafikut.
Ndrejaj kërkonte zbutjen e masës, për arsye shëndetësore, pasi vuan nga një sëmundje dhe pretendon se i rrezikohet jeta gjatë qëndrimit në qeli.
