Deputeti Enkelejd Alibeaj ka shpërndarë një postim ku shpreh kundërshtimin e tij ndaj buxhetit të vitit 2025, duke e cilësuar atë si një masë që i merr paratë shqiptarëve. Sipas Alibeajt, ky buxhet, prej 8.2 miliardë dollarësh, nuk ka fonde për pensionistët, ilaçet e të sëmurëve, arsimin, rininë, pronarët, të përndjekurit dhe ndihmën ekonomike. Ai akuzon qeverinë për rritje të çmimeve dhe shpërndarje të parave për tendera, oligarkë, dhe koncesione.
Alibeaj gjithashtu e akuzon kryeministrin Edi Rama për manipulim të institucioneve dhe blerje të heshtjes për të goditur SPAK-un, si dhe për blerje të sistemit zgjedhor dhe votave për të siguruar pushtetin edhe për katër vite të tjera.
Postimi i plote i Enkelejd Alibeaj:
VOTË KUNDËR !
Buxheti i 2025 është 8.2 miliardë.
8.2 miliardë që iu merren shqiptarëve, por:
-Nuk ka para për pensionistët.
Nuk ka para për ilaçet e të sëmurëve.
Nuk ka para për arsimin e fëmijëve.
Nuk ka para për rininë.
Nuk ka para për pronarët.
Nuk ka para për të përndjekurit.
Nuk ka para për ndihmën ekonomike
Ndërkohë çmimet rriten pa fre!
Por ka shumë para për tendera.
Ka shumë para për ndarë me oligarkët.
ka shumë para për koncesionet
Ka shumë para për të vjedhur!
Edi Rama në mars bleu heshtjen për të goditur SPAK.
Edi Rama në korrik bleu sistemin zgjedhor në tavolinë me reformën zgjedhore.
Tani fillon punën për blerjen e votave brenda dhe jashtë vendit edhe për 4 vite të tjera vjedhje.
SPAK, nga sot, duhet të mbrojë paratë dhe të ardhmen e shqiptarëve.
Shqiptarët kanë mundësinë në 2025 t’i japin hakun gjithëkujt!
