Prokuroria e Posaçme kundër Korrupsionit dhe Krimit të Organizuar ka përfunduar hetimet dhe ka kërkuar gjykimin e 11 të pandehurve për procedimin penal nr. 190, viti 2023, lidhur me keqpërdorimin e fondeve të SASPAC. Hetimet zbuluan një seri akuzash për korrupsion pasiv dhe aktiv, mashtrim, falsifikim dokumentash, dhe shkelje të rregullave të prokurimit. Ndër të pandehurit janë ish ministri i Shëndetësisë, Ilir Beqaj, dhe disa individë të tjerë të përfshirë në procedura prokurimi fiktive, të cilat synonin përfitime të paligjshme. Po ashtu, Beqaj akuzohet për fshehje të pasurive dhe deklarim të rremë. Pasuria e tij dhe e të pandehurve të tjerë është sekuestruar nga SPAK.
