Prokuroria kërkon “arrest në burg” për Petri Bozon pas aksidentit tragjik ku humbi jetën 7-vjeçari në Elbasan
Me dyer të mbyllura është zhvilluar sot paradite në Gjykatën e Elbasanit seanca për vlerësimin e ligjshmërisë së ndalimit dhe caktimin e masës së sigurimit ndaj Petri Bozos, i cili është nën hetim për aksidentin tragjik në fshatin Mengël, ku humbi jetën 7-vjeçari E.S.
Prokurori Adnand Hoxha ka kërkuar para gjykatës vlerësimin si të ligjshëm të ndalimit dhe caktimin e masës “arrest në burg” ndaj të hetuarit, bazuar në nenin 238 të Kodit të Procedurës Penale. Sipas organit të akuzës, ekzistojnë dyshime të arsyeshme për përfshirjen e Petri Bozos në aksidentin fatal që tronditi opinionin publik dhe riktheu debatin mbi sigurinë rrugore në zonën e Menglit të Elbasanit.
