Një ngjarje e rëndë është shënuar në minierën e Bulqizës ku një 33-vjeçar minator ka mbetur i plagosur rëndë. Minatori me inicialet N.A ka qenë në frontin e punës teksa është goditur nga një masiv gurësh.
I plagosuri është nxjerrë jashtë galerisë nga kolegët e tij dhe është transportuar për të marrë ndihmën e parë në spitalin e Bulqizës.
Mësohet se bluzat e bardha të këtij spitali kanë kërkuar transportimin me helikopter drejt Tiranës për shkak të gjendjes së rëndë.
Ndërkohë grupi hetimor ka nisur hetimet për të zbardhur shkaqet e vërteta të aksidentit në punë të 33-vjeçarit.
