Protesta e radhës e banorëve të Krujës, Fushë-Krujës, Thumanës dhe zonave përreth, që kërkojnë hyrje-dalje në rrugën e re Thumanë-Kashar ka zgjatur rreth 1 orë.
Qytetarët mbajtën të bllokuar qarkullimin e mjeteve për 30 minuta, kohë kur policia ka ndërhyrë duke larguar qytetarët nga rruga. Nuk munguan as përplasjet mes policisë dhe qytetarëve, ku një policë ka goditur me skafandrën në kokë një qytetar që mbante fëmijën në duar. Ndërsa një qytetar tjetër është gjakosur, pasi policia ndërhyri dhunshëm.
Këto janë incidentet e radhës pas atij të javës së shkuar, ku drejtori i Policisë Rrugore Altin Qato goditi në fytyrë një qytetar që ishte arrestuar nga efektivët.
Tashmë prej muajsh banorët e këtyre zonave protestojnë për mungesën e aksesit në autostradën Thumënë-Kashar. Që kur rruga ishte akoma në letër, ata kanë kërkuar në çdo instancë shtetërore që të kenë mundësi për të aksesuar rrugën, por pas refuzimeve të njëpasnjëshme kanë parë si zgjidhjen e vetme protestat.
