Policia e Tiranës njoftoi zyrtarisht arrestimin e dy infermiereve te azilit privat të cilat tentuan të fshihnin vrasjen e të moshuarir Virxhil Vesho në azil nga shoku I tij I dhomës Zyhdi Shehi.
Nga hetimet rezultoi se infermieret pavaresisht se e dinin që I moshuari ishte vrarë e nxorën në oborrin e azilit dhe njoftuan një agjenci funerale ta dërgonte në Morg, pastaj pastruan vendin e krimit
Ata pretendonin se I moshuari kishte vdekur aksidentalisht pasi kishte rënë dhe ishte përplasur. Agjencia funeral e ktheu në azil dhe njoftii policinë pasi I moshuari kishte 7 plagë në kokë. Dy infermieret akuzohen për veprën penale të kryerjes së veprimeve që pengojnë zbulimin e së vertetes.
Njoftimi i plotë
Tiranë
Në lidhje me ngjarjen e ndodhur ditën e djeshme, më datë 08.08.2024, ndodhur në një azil privat për të moshuarit, ku shtetasi Z. Sh., 78 vjeç, ka goditur me bastun shtetasin V. V., i cili si pasojë e dëmtimeve të marra ka humbur jetën, ju informojmë se:
Në vijim të veprimeve hetimore të thelluara të kryera u arrestuan shtetaset G. S., 26 vjeçe, dhe N. M., 31 vjeçe, të dyja banuese në Tiranë, me profesion infermiere në azilin ku akomodoheshin dy të moshuarit.
Nga hetimi i kryer u siguruan prova të mjaftueshme që krijojnë dyshimin e arsyeshëm se dy të arrestuarat në bashkëpunim me njëra-tjetrën, kanë konsumuar veprën penale "Veprime që pengojnë zbulimin e së vërtetës”, parashikuar nga neni 301/25 i Kodit Penal.
Këto dy shtetase nuk kanë njoftuar organet kompetente për ngjarjen e ndodhur si dhe kanë kryer veprime që pengojnë zbulimin e së vërtetës.
Materialet i kaluan Prokurorisë.
