Diaspora është kryefjala e çdo takimi të partive politike në prag të zgjedhjeve të 11 majit. Në mbledhjen e sotme me drejtuesit politik, kreu i Partisë Socialiste, njëherësh kryeminsitër, Edi Rama ka kërkuar intensifikim të kontakteve me diasporën. Rama ka kërkuar më shumë organizim nga strukturat për të nxitur regjistrimin e emigrantëve të cilët PS i konsideron si votues të saj. Në databazën e PS rezultojnë të regjistruar rreth 260 mijë emigrantë, numër i cili është ende larg nga shifrat që rezultojnë në KQZ. Më herët gjatë ditës, në mesazhin që çon përmes rrjeteve sociale, Rama i kërkoi emigrantëve të regjistrohen. "Kush do të bëhet pjesë e kësaj historie të re për demokracinë tonë, duhet të regjistrohet deri në 4 mars, sepse votimi bëhet me postë dhe koha për të çuar fletë e votimit në shtëpi çdo zgjedhësi me një zarf që do kohë edhe për kthimin, Deri tani numri i të regjistruarve është premtues, por mund e duhet të jetë edhe më i madh"- tha Rama. Sot janë 22 ditë nga përfundimi i regjistrimi të zgjedhësve në diasporë, për të votuar për zgjedhjet e përgjithshme që mbahen në 11 maj në Shqipëri.
