Sot, në orën 17:00, opozita pritet të zhvillojë një protestë kombëtare. Edhe pse një ditë më parë kryetari i PD paralajmëroi se ka një “skenar” që mbahet i fshehtë, VNA mësoi se ajo që do të ndodhë sot është, në fakt, një përsëritje e asaj çka ndodh vitet e fundit në mitingjet e opozitës. Do të flasin si rëndom dy apo tre të rinj, e më pas në podium do të ngjiten Fatmir Mediu dhe Agron Duka për të mbajtur fjalimin e radhës, dhe pas tyre do të transmetohet një audiomesazh i Ilir Metës nga burgu.
Mitingu do të mbyllet me fjalën e Sali Berishës, i cili ka njoftuar bashkëpunëtorët e tij të afërt se protesta nuk duhet të zgjasë më shumë se dy orë, pasi do t’i duhet të udhëtojë drejt Italisë. Së bashku me Agron Gjekmarkajn dhe Flamur Nokën, kryetari i PD do të fluturojë drejt Romës, ku pritet të marrë pjesë në disa takime me shqiptarët që jetojnë në Itali.
