Vlora është përballur me një përkeqësim të ndjeshëm të kushteve të motit që prej mëngjesit të sotëm, me erëra të forta dhe dallgë që arrijnë deri në 2 metra. Në këto rrethana, kapiteneria e portit të Vlorës ka njoftuar ndalimin e daljes në det për mjetet e vogla të peshkimit, duke u bërë thirrje peshkatarëve dhe operatorëve të tregojnë kujdes.
Mjetet që lundrojnë brenda gjirit të Vlorës janë këshilluar të marrin masat e nevojshme për të shmangur rreziqet. Nga ana tjetër, kapiteneria ka njoftuar se anijet e udhëtarëve do të vijojnë lundrimin dhe punën normalisht.
Sipas parashikimeve, moti pritet të përmirësohet nesër paradite, pas orës 10:00.
