Një ditë pas vetëvrasjes së efektives 21-vjeçare Aldorjana Loshi, e cila vrau veten me armën e shërbimit, u arrestua i dashuri i saj.
Endri N., u arrestua nga policia nën dyshimet se ka kryer veprime që pengojne zbardhjen e vetëvrasjes së oficeres së policisë 21-vjeçares A.L.
I dyshuari është djali i një oficeri policie dhe kishte lidhje intime me vajzën prej 3 muajsh. Ditët e fundit ata kishin debatuar me mesazhe.
Endri N, 27 vjeç e kishte telefonuar disa herë dhe vajza që ishte punonjëse policie në komisariatin nr.5, nuk i ishte përgjigjur.
Një moment ajo i shkruan: derën e ke hapur. Kur ai mbërrin në shtëpinë ku ajo qëndronte e gjen të vetëvrarë me armën e shërbimit. Në këto kushte merr telefonin e të dashurës që kishte ndërruar jetë dhe i fshin mesazhet. Në njërin prej tyre ajo i shkruante: Allahu të ndihmoftë. "E bëra nga frika se mos zbulohej lidhja" tha para policisë.
