Një ngjarje e rëndë është regjistruar në Klos, ku një 33-vjeçar dyshohet se ka humbur jetën pasi ka rënë në lumin Mat.
Sipas informacioneve paraprake, Erkin Lika ishte duke u ngjitur me litar në një shpat shkëmbor pranë Urës së Vashës, kur ka humbur ekuilibrin dhe ka rënë aksidentalisht në ujërat e lumit.
Pas ngjarjes, banorë të zonës kanë nisur kërkimet për gjetjen e 33-vjeçarit, ndërsa në ndihmë të tyre kanë mbërritur edhe forcat e policisë dhe polumbarët.
Operacioni i kërkimit vijon, ndërsa autoritetet po punojnë për gjetjen e trupit të të riut dhe zbardhjen e plotë të rrethanave të ngjarjes.
