Prokuroria e Gjirokastrës ka vendosur nën sekuestro pasuritë e një shtetasit D.A., pasi dyshohet se rrjedhin nga veprimtaria kriminale. Organi i akuzës bën me dije se shtetasit D.A. është i dyshuar për pjesëmarrje dhe kryerje të krimeve nga grup kriminal tek prodhimi e shitja e narkotikëve. Gjatë procedimit pasuror u identifikuan pasuritë e paluajtshme, blerja e të cilave nuk justifikohet me të ardhurat e këtij shtetasi dhe të familjarëve të tij, të cilat dyshohen se rrjedhin nga veprimtaria kriminale e shtetasit të sipërpërmendur. Pasuritë e sekustruara janë toka, truaje, biznese, një kalçeto në Lazarat, si dhe një automjet. Pasuria e llojit “Truall” me sipërfaqe 350m2, në qytetin Gjirokastër; – Pasuria e llojit “Truall” me sipërfaqe 1500m2 dhe ndërtim 23 m2 në Lazarat, Gjirokastër; – Pasuria e llojit “Truall” me sipërfaqe 450 m2, në Grehot, Gjirokastër; Pasuria e llojit “Truall” me sipërfaqe 1646 m2 në Grehot, Gjirokastër; – Pasuria e llojit “Arë” me sipërfaqe 7000 m2 në fshatin Arshi Lengo, Gjirokastër; Objekt tregtie sipërfaqe e zënë 6500 m2, ndërtuar në vitin 2005 fshati Kordhocë, Lazarat; – Lokal dhe magazinë, ndërtuar në vitin 2013 fshati Kordhocë; – Fushë mini futbolli me sip. 500 m2 dhe ndërtesë një kat me sipërfaqe 37.2 m2, ndërtuar në Lazarat; dhe – Autoveturë “Mercedes Benz”.
