"Stadiumi “Selman Stërmasi” apo ish-stadiumi “Dinamo”, së shpejti do të varroset nën projektin e radhës “kullë me biznese”, me beton, por pa gjelbërim". Ky denoncim ka ardhur nga Grigels Muçollari, anëtar i Kryesisë së PD. Sipas selisë blu Erion Veliaj dhe Edi Rama kanë gati vendimin, për shumë kulla në një truall prej 27 446 m2. Projekti nuk është bërë publik. Me siguri është caktuar dhe fituesi. Publikut i jepen tani disa copëza informacioni. Dhe djalli fshihet në detaje si këto: rijetëzim, rienergjizim. Partia Demokratike denoncon se në fakt, prona të tilla anembanë vendit lihen drejt degradimit qëllimisht, që më pas të kthehen në kulla betoni.
