Kreu i Grupit Parlamentar të PS, Niko Peleshi, për çështjen e mandatit të Xhaçkës tha se nuk është diskutuar pasi vendimet e Gjykatës Kushtetuese nuk trajtohen si çështje politike dhe se do të kërkohet mendimi i Komisionit të Venecias për këtë çështje.
“Vendimet e Gjykatës Kushtetuese nuk i trajtojmë si çështje politike. Do të kërkojmë mendim nga Komisioni i Venecias. Duam të kuptojmë kur nis e mbaron zbatueshmëria e vendimeve të GJK dhe se ku nis e mbaron vullneti i deputetit”, tha ai.
