Një 25-vjeçare nga Kosova është vënë nën hetim nga policia pasi ka tentuar të kalojë kufirin me drogë me vete.
Në njoftimin e Policisë thuhet se në Pikën e Kalimit Kufitar Muriqan, gjatë procedurave të verifikimit dhe kontrollit në dalje nga territorit shqiptar, shërbimet e Policisë Kufitare i gjetën kësaj shtetaseje një sasi të vogël lënde e dyshuar narkotike e llojit kanabis e cila u sekuestrua në cilësinë e provës materiale.
“Sektori për Hetimin e Narkotikëve i DVP Shkodër referoi materialet në Prokurori, ku filloi procedimi penal për shtetasen kosovare G. G., 25 vjeçe, pasi: Në Pikën e Kalimit Kufitar Muriqan, gjatë procedurave të verifikimit dhe kontrollit në dalje nga territori i Republikës së Shqipërisë, shërbimet e Policisë Kufitare i gjetën kësaj shtetaseje një sasi të vogël lënde e dyshuar narkotike e llojit kanabis e cila u sekuestrua në cilësinë e provës materiale”, njofton policia.
