Blerti Kanushi, 23-vjeçari i cili akuzohet se është autori i vrasjes së 72-vjeçari Faik Ajdini në Memaliaj është lënë në burg pa afat nga Gjykata e Gjirokastrës. Ndërsa për Darovi Hajdinin është caktuar masa e sigurisë arrest në shtëpi pasi akuzohet për zhdukje të provave të krimit.
Prokurori Bledar Bala përgjatë 30 minutave ka sqaruar me detaje rrethanat e ngjarjes se ndodhur ne fshatin Zhapokikë, ku ka sqaruar dhe dokumentuar me prova materiale veprimtarinë e Blerti Kanushit.
Kanushi ka qëndruar përgjatë gjithë kohës i heshtur dhe nuk ka reaguar në asnjë moment duke ua lënë të drejtën e reagimit avokatit të tij Malo Sadikaj. Ky i fundit dhe avokati tjetër i te arrestuarës, Agron Iljazi, në fjalën e tyre kane sqaruar pozitën e klientëve te tyre duke kërkuar masë më të lehtë.
Me pas, kryesuesja e seancës Entela Selmanaj ka vendosur masën arrest ne burg për Blerti Kanushin dhe arrest në shtëpi për Darovi Hajdini.
