Kanë dalët detaje të tjera në lidhje me ngjarjen tragjike ka ndodhur pasditen e djeshme në zonën e Astirit në Tiranë, ku një 34-vjeçar ka humbur jetën pas një sulmi të dhunshëm me thikë.
Mësohet se 25-vjeçari Darmend Keli, duke parë nga ballkoni i shtëpisë së tij, ka vërejtur se i fejuara e tij po ngacmohej nga Amarildo Hoxhallari. 25-vjeçari më pas ka marrë një thikë nga shtëpia dhe ka zbritur për t'u përballur me Hoxhallarin. Sipas burimeve, dy burrat janë konfliktuar fizikisht dhe më pas Keli e ka goditur 34-vjeçarin katër herë me thikë.
Amarildo Hoxhallari i cili banonte në Yzberisht, nuk ka mundur t'u mbijetojë plagëve të rënda dhe ka ndërruar jetë në spital. Autori i dyshuar është arrestuar menjëherë pas ngjarjes nga policia.
Gjithashtu mësohet se viktima rezulton që në 2015 të jetë arrestuar si organizator i atentati ndaj Pajtim Serjanit, i njohur dhe si miku i Shullazit. Në atentatin e 5 janarit 2015 mbeti i plagosur polici Roland Mete dhe Pajtim Serjani.
