Studentët kanë vijuar protestën edhe këtë të mërkurë, më 28 tetor, duke marshuar nëpër rrugët e Tiranës dhe duke kërkuar dorëheqjen e kryeministrit Edi Rama.
Pas marshimit, protestuesit janë ndalur pranë Drejtorisë së Policisë së kryeqytetit. Ata kanë deklaruar se nuk do të heqin dorë nga tubimet deri në largimin e kreut të qeverisë nga detyra.
Më herët, studentët e Fakultetit Ekonomik marshuan drejt Fakultetit të Drejtësisë. Aty u bënë thirrje studentëve të këtij fakulteti që t’u bashkoheshin në protestë.
Më pas, studentët vijuan lëvizjen në rrugët e kryeqytetit, përpara se të ndaleshin te Drejtoria e Policisë.
