Për ish-zv.ministrin e Shëndetësisë, Klodian Rjepaj dhe biznesmenin Ilir Rrapaj, që zotëron pjesën e “luanit” në kontratën koncesionare, u kërkua dënimi me 10 vite burgim. Për shkak të gjykimit të shkurtuar, dënimi për ta reduktohet në 6 vite e 8 muaj.
Ndaj Rjepajt rëndojnë akuzat për “vjedhje duke shpërdoruar detyrën”, kryer në bashkëpunim, “grup i strukturuar kriminal” dhe “falsifikim dokumentash”.
Ndërsa mbi Rrapajn rëndojnë akuzat “vjedhje me pasoja të rënda”, kryer në bashkëpunim dhe “grup të strukturuar kriminal”.
Dënime më të lehta apo me shërbim prove u kërkuan edhe për të pandehurit e tjerë, përfshirë ish-rektorin e Universitetit të Mjekësisë, Arben Gjata.
Ndërkohë, ish-ministri i Shëndetësisë, Ilir Beqaj, po gjykohet në një proces të zakonshëm për akuzat e “vjedhjes duke shpërdoruar detyrën” dhe “grupit të strukturuar kriminal”.
Pretenca:
- Klodian Rjepaj – 10 vjet burg, me gjykim të shkurtuar: 6 vjet e 8 muaj
- Ilir Rrapaj – 10 vjet burg, me gjykim të shkurtuar: 6 vjet e 8 muaj
- Marsela Serjanaj – 3 vjet e 6 muaj, me gjykim të shkurtuar: 2 vjet e 4 muaj
- Sajmir Kadiu – 3 vjet e 6 muaj, me gjykim të shkurtuar: 2 vjet e 4 muaj
- Petref Mersini – 3 vjet e 6 muaj, me gjykim të shkurtuar: 2 vjet e 4 muaj burg. Pezullohet ekzekutimi i dënimit me burgim dhe vendoset në shërbim prove për 4 vite
- Arben Gjata – 1 vit e 4 muaj burg. Pezullohet ekzekutimi i dënimit me burgim dhe vendoset në shërbim prove për 3 vite
- Genc Byrazeri – 2 vjet burgim, me gjykim të shkurtuar: 1 vit e 4 muaj. Pezullohet ekzekutimi i dënimit me burgim dhe vendoset në shërbim prove për 2 vite
- Naile Ajazi – 2 vjet burgim, me gjykim të shkurtuar: 1 vit e 4 muaj. Pezullohet ekzekutimi i dënimit me burgim dhe vendoset në shërbim prove për 2 vite
