Gjykata e Lartë vendos mospranimin e rekursit të Jamarbër Malltezit, dhëndrit të ish-kryeministrit Sali Berisha.
Malltezi kërkonte revokimin e masës së sigurisë “arrest në shtëpi”, duke argumentuar se po mbahet padrejtësisht nën këtë masë dhe se nuk ekzistojnë kushtet dhe kriteret.
Jamarbër Malltezi është i pandehur për akuzën e korrupsionit kryer në bashkëpunim me vjehrrin e tij, Sali Berisha, në dosjen “Partizani”.
Ndaj Malltezit rëndon edhe akuza e pastrimit të parave. Seanca e parë e themelit për dosjen “Partizani”, me të pandehur kryesor Berishën, nis në Gjykatën e Posaçme më datë 30 qershor.
