Një kamera sigurie ka filmuar autorin e dyshuar të vendosjes së një sasie tritoli në një biznes në rrugën Transballkanike në Vlorë, në pronësi të Vasillaq Bezhanit. Biznesi, që funksionon si dyqan për shitje dhe servis motomjetesh, ndodhet në lagjen “Bashkimi” dhe nga shpërthimi nuk ka të lënduar, por vetëm dëme materiale. Nga pamjet filmike rezulton se autori i dyshuar është i maskuar. Pronari i biznesit ka mohuar të ketë konflikte.
“Vlorë/Informacion paraprak”
Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale”, thuhet në njoftimin e policisë.
