Një shpërthim me lëndë plasëse ka ndodhur gjatë natës në një lokal në “Rrugën e Durrësit” në Tiranë. Mësohet se sasia e tritolit ishte vendosur pranë derës hyrëse të lokalit, duke shkaktuar dëme materiale, por pa lënduar persona.
Ngjarja është regjistruar rreth orës 03:34 të mëngjesit, ndërsa autoritetet policore ndodhen në vendngjarje dhe kanë nisur hetimet për zbardhjen e rrethanave dhe identifikimin e autorëve.
Shkaqet e vendosjes së lëndës plasëse ende nuk dihen, ndërsa pritet që hetimet të sqarojnë motivet pas kësaj ngjarjeje.
