"Kisha një raport me PD që fatkeqësisht u prish, mesa duhet nuk ishin dakord që unë të bëja opozitë të vërtetë. Doja të flisja për aferën 1.3 mld euro është një pjesë e madhe e buxhetit qartësisht që rrugët tona ndahen". Kështu i shpreh deputeti Agron Shehaj për median. Ai tha se në vend qe deputetët e opozitës të solidarizoheshin me të, pasi kishte kërkuar fjalën për të folur për aksin Thumanë-Kashar me vlerë 1.3 miliardë euro, ata u bënë palë me socialistët. Shehaj shpjegoi për gazetarët, se në momentin kur flitet për skandale, si ajo e rrugës Thumanë-Kashar, opozita dhe PS bëhen bashkë. Ai tha po ashtu se garda e lejoi Flamur Nokën që ta largonte me forcë nga Foltorja dhe një deputet i opozitës të dhunohej brenda Kuvendit. “Gjashtë muaj interpelanca është shtyrë, sepse është afera e shekullit,1.3 miliardë euro. Kërkova fjalën për replike, për procedure, me mjaftonin 2 minuta, mu refuzua. Ndodhi ajo që nuk kishte ndodhur me përpara në Kuvend, ku deputetet e opozitës në vend që të solidarizoheshin me mua, u bënë palë disa prej tyre, merrnin fjalën pavarësisht se mua po me mohohej dhe po flisja për një skandal 1.3 mld euro, ajo që ndodhi me vonë ku deputeti i opozitës u lejua nga garda me dhune të më largonte nga foltorja. Ishin aty ku Flamur Noka erdhi me largoi me dhune, pati një përplasje fizike, u larguan kur panë që Noka ishte aty. Garda lejoi që kjo të ndodhte, që një deputet i opozitës të dhunohej brenda ambienteve të Kuvendit të Shqipërisë. Do të thotë që kur ben nje opozitë të vertete, kur flet per vjedhjet galopante te Edi Rames, të gjithë bëhen bashkë.”- tha Shehaj.
