Ministri i Financave, Petrit Malaj, dhe kreu i Grupit Parlamentar të Partisë Demokratike, Gazment Bardhi, kanë pasur një përplasje gjatë seancës plenare në Kuvend, pas një kritike të Bardhit për vonesën e ministrit. Bardhi e akuzoi Malajn se kishte munguar dhe nuk kishte qenë i angazhuar në seancë, duke thënë: “Zotrote erdhe në punë sot, duhet të kishe ardhur që në orën 08:00, por erdhe në 12.” Ai shtoi se “shqetësimi që ne ngritëm, nuk ndjekim axhendën, s’je gjëkundi se nuk të njeh askush dhe nuk bën asnjë punë.”
Në përgjigje, ministri Malaj i ktheu akuzën Bardhit duke thënë: "Zoti Bardhi gjumë jeni mësuar të flini ju se keni vite qe flini gjumë. Nuk bëni opozitën siç duhet ta bëni. Nëse do ti referohesh medias, do të shikosh angazhimin tim që në mëngjes herët se ku ka qenë i angazhuar dhe për çfarë."
