Policia e Tiranës procedon avokatin Genc Gjokutaj për akuzën e thirrjes publike për veprime të dhunshme.
Mbrojtësi ligjor I ish kryeministrit Sali Berisha përmes një statusi në rrjetin social facebook ndër të tjera shkroi: Thyeni çdo sportel qe ju kerkon shpirtin! Rrihni çdo polic qe mbron hajdutet!Vrisni çdo patronazhist qe ju vjedh te ardhmen dhe familjen!"
Sipas tij vetem në këtë mënyrë rrëzohen diktaturat, jo më kode zgjedhore e as më amendime ligjesh.
Tiranë
Specialistët e Sektorit për Hetimin e Krimeve Kibernetike në DVP Tiranë, kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetasit G .Gj., me profesion avokat, për veprën penale “Thirrjet publike për veprime të dhunshme“, parashikuar nga neni 223 i Kodit Penal.
Procedimi ndaj këtij shtetasi filloi pasi gjatë monitorimit të vazhdueshëm të burimeve të hapura të informacionit nga ana e Sektorit për Hetimin e Krimeve Kibernetike, është konstatuar një postim, i publikuar nga shtetasi G. Gj., i cili bën thirrje për të kryer veprime të dhunshme, postim ky i cili konstatohet se është publikuar dhe në media të ndryshme online.
Materialet i kaluan Prokurorisë.
