Drejtoria e Përgjithshme e Burgjeve shprehet se ka qenë ky intitucion që ka lëshuar vërtetimin me kërkesë të SPAK për gjendjen gjyqsore ku Erion Veliaj rezultonte i dënuar. Në njoftimin për mediat, drejtoria në fjalë sqaron se “në rastet kur kërkohet vërtetimi me historik, përfshihen edhe të dhënat mbi vendimet e mëparshme, përfshirë pafajësitë apo vendimet e rehabilitimit, në përputhje me legjislacionin në fuqi”.
Reagimi së Përgjithshme të Burgjeve, rrëzon të gjithë sulmin e Veliajt ndaj prokurorit Olsi Dado ditën e djeshme, i cili u nxitua duke lëshuar lum akuzash me pretendimin se lapsusi në dosjen e tij hetimore ishte i qëllimshëm nga ana e prokurorit.
NJOFTIM PËR SHTYP
Në përgjigje të interesimit të mediave, Drejtoria e Përgjithshme e Burgjeve bën me dije se, në përgjigje të kërkesës së Prokurorisë së Posaçme Kundër Korrupsionit dhe Krimit të Organizuar, me shkresën nr. 2215/prot., datë 12.02.2025, ka përcjellë vërtetimin e gjendjes gjyqësore për shtetasin E. V., i biri i L. dhe Sh., lindur më 17.12.1979.
Pas verifikimeve në Regjistrin e Gjendjes Gjyqësore, ai rezulton i padënuar dhe ndaj tij janë dhënë tre vendime pafajësie.
Sqarojmë se, në rastet kur kërkohet vërtetimi me historik, përfshihen edhe të dhënat mbi vendimet e mëparshme, përfshirë pafajësitë apo vendimet e rehabilitimit, në përputhje me legjislacionin në fuqi.
Pra, çdo herë kur printohet Vërtetimi i Gjendjes Gjyqësore me shënime, del dhe statusi i dënuar si në këtë rast.
