Gjykata ka shpallur të pafajshëm deputetin Gazment Bardhi në lidhje me një kallëzim për shpifje dhe fyerje të bërë nga Edmond Sula, ish-drejtuesi i policisë së Shkodrës.
Avokati i Bardhit, Marash Logu, tha se vendimi u bazua në ligj dhe prova konkrete, duke vërtetuar se deklaratat e bardhit nuk përbënin shpifje, por i referoheshin dokumenteve zyrtare.
“Spak me shkresë zyrtare konfirmoi se të gjitha deklarimet e bardhit kanë qenë të sakta dhe të vërteta. SPAk konfirmoi se ato biseda ekzistojnë dhe se po kryhen hetime të thelluara nga prokuroria,” tha Logu.
Edmond Sula paditi Bardhin për shpifje dhe fyerje pas një deklarate të bërë prej tij në një seancë plenare të kuvendit në shtator 2024, ku Bardhi pretendoi se Sula ishte emëruar në krye të policisë së shkodrës me mbështetjen e grupeve kriminale.
