Kreu i Partisë Demokratike, Sali Berisha, ka deklaruar se PD do të dërgojë për ndjekje penale kryeministrin Edi Rama, Ministrin e Brendshëm Ervin Hoxhajn dhe Drejtorin e Përgjithshëm të Policisë, për ngjarjet gjatë protestës para SPAK, ku zhvillohej seanca gjyqësore ndaj kryebashkiakut të Tiranës, Erion Veliaj.
“PD, duke dënuar me forcën më të madhe, deklaron se do dërgojë për ndjekje penale Ministrin e Brendshëm, Drejtorin e Përgjithshëm të Policisë dhe vetë Edi Ramën për aktin e pashembullt që ka ndodhur dje”, tha Berisha në një konferencë për mediat.
Ai e cilësoi të patolerueshme, sipas tij, ndërhyrjen e segmenteve të shtetit kundër institucioneve të tjera dhe akuzoi qeverinë për përdorim të dhunës ndaj protestuesve.
